Nyamasheke: Abagize ubutwari bwo kwitangira abana bashimiwe
Umwe mu miryango yareze abana b’imfubyi. Uwo barera ni uwo uri hagati ubu arangije amashuri abanza.
Mu birori byo kwizihiza umunsi w’intwari wabereye mu murenge wa Shangi, mu kagari ka Burimba, abaturage bo mu midugudu ya Nyakagano na Busangati bagize ubutwari bwo kwita ku bana b’imfubyi bashimiwe.
Muri aba babyeyi hagaragayemo umugore umwe wafashije umwana w’imfubyi akamwonsa akamukuza kandi yari ageze mu zabukuru, none ubu umwana akaba arangije amashuri abanza.
Mukantabana Mariyana we yabashije kurera abana batatu b’imfubyi kandi nawe yari asanganywe abe barindwi. Yavuze ko yasanze abana badakwiye kwandagara akabajyana mu be nubwo bitamworoheye gutunga abana 10. Yongeyeho ko yishimye kuba abandi babona ko yakoze neza ndetse akanabishimirwa.
Muri abo bana b’imfubyi bitaweho harimo bamwe bacitse ku icumu rya Jenoside yakorewe Abatutsi muri mata 1994 bagasigara batagira imiryango yo kubitaho. Aba babyeyi bagiye bashyirwa imbere y’abandi bagashimwa ariko nta shimwe rifatika bagenewe.
Umuyobozi w’umurenge wa Shangi, Kamali Aime Fabien, yashimye ubutwari bw’abo babyeyi barinze abana kubaho nabi, bakabajyana ku ishuri kandi bakaba bagikomeje kubafasha. Yaboneyeho no kugaya abaturage batajyana abana ku ishuri ahubwo bakabashora mu mirimo itandukanye nko kuroba n’iy’indi.
Yabasabye ko bareka abana bakagana ishuri kuko nta wundi murage bategereje kubaha uruta ubumenyi bazakura ku ishuri.
Posts Related to Nyamasheke: Abagize ubutwari bwo kwitangira abana bashimiwe
Nyamasheke: Abaturage barasabwa kugira ubutwari bwo guhashya inzara.
Mu gutangiza ibirori by’umunsi w’intwari wabereye mu murenge wa Shangi, mu kagari ka Burimba mu mudugudu wa Nyakagano, umunyamabanga nshingwabikorwa w’umurenge wa Shangi, Kamali Aime ...
Nyamasheke: Buri wese arasabwa kurinda abana ihohoterwa
Umuyobozi w’akarere ka Nyamasheke wungiririje ushinzwe ubukungu, imari n’amajyambere, Bahizi Charles, yasabye abaturage b’imidugudu ya Nyakagano na Busangati, mu kagari ka Burimba ko mu murenge ...
Ababyeyi barasabwa gutoza abana babo kuba intwari
Ababyeyi barasabwa kwita ku nshingano zabo bereka urugero rwiza abana babo, babarinda ihohoterwa iryo ariryo ryose kugira ngo abo bana bazabe intwari. Ibyo babisabwe mu ...
Ibikorwa by’ubutwari bigaragarira ahantu henshi
Bamwe mu baturage bo mu karere ka Burera baratangaza ko ubutwari bugaragarira mu bikorwa bitandukanye mu byiciro byinshi by’abantu. Zaraduhaye Joseph umuyobozi wungirije w’akarere ka ...
Ubupfubyi bugomba gucika nyuma ya 2012
Minisitiri w’Intebe Pierre Habumuremyi ejo yashishikarije abanyarwanda guha abana b’imfubyi imiryango kugira ngo bakumire ubupfubyi mu gihugu nyuma ya 2012. Ibi akaba yarabivugiye mu Karere ...
